كذبة الأدوات

علي عبدال وأشباهه اللي اسمهم [REDACTED] عندهم محتوى واحد بيتكرر بأشكال مختلفة

"أدواتي اللي بتخليني أنجز في 2026"

"الإعداد المثالي للعمل من البيت"

"ليه لازم يكون عندك شاشتين"

وبعد ما بتخلص الفيديو بتحس إنك ناقص 7 حاجات عشان تبدأ

صح؟


هل إنت محتاج الشاشتين والمايكروفون أبو 50؟

ممكن

بس قبل ما تجاوب، خليني أحكيلك عن قصتي


عبدالمعطي

طفل في أوائل عشراته، فضولي بشكل مزعج، عايز يتعلم كل حاجة

بدأ بالديزاين زي أغلب الناس

مش شغال معاه

ساب الموضوع سنتين

بعدين اكتشف إنه عايز يعمل بوتات، Discord وTelegram، الحاجات اللي كانت بتبانله سحر وهو صغير

اتعلم JavaScript وPython، بدأ يشتغل على Replit

وبعدين وقف فجأة

مش لأنه مكملش

لأنه اكتشف حاجة

معندوش كمبيوتر


الشغل على التليفون

مجال كامل متعود على ناس شايلين أجهزة. كيبوردات. شاشات. بيئات شغل معقدة

وعبدالمعطي عنده موبايل

مش لأنه اختار كده

لأنه طفل زي أغلب جيله، طالع من ثورة وداخل على كورونا، والـ laptop كانت رفاهية مش في الحسبة

عنده خيارين

إما يستنى

أو يكمل

اختار يكمل

كل سطر كود كان بيكلفه ضعف الجهد اغلب الوقت

وكل مشروع كان بيحتاج خطوات إضافية مش موجودة عند غيره

وكان أحياناً بيطلب من ناس عشوائية على المنتديات تشغل كوده على أجهزتهم

وكانوا بيفتكروه هاكر، مع ذلك كان عنده سلاح سحري


الـ Selling Point

اللي كنت بخجل منه بقى ميزة ليا

ناس شافت إنه الطفل دا بيعمل نفس جودة ناس شايلين أجهزة بـ 40 ألف جنيه

وانا شغال على موبايل

الشركة اللي كان بستخدم أداتها عينتني

واشتريت أول جهاز في حياتي بفلوسي، مش هدية ولا منة من حد و دي اهم حاجة عندي


بس لما الظروف اتحسنت..

الأدوات الجديدة مكانتش السحر اللي كان متخيله

الضغط قل صح، بس إنتاجيتي طاحت عكس اللي كان متوقعه

وكأن الحاجة فعلاً كانت أم الاختراع

الجهاز خرب في خلال سنة

مع ذلك فضلت ماشي

عملت Qimma.dev أول هاكاثون بيدعم الناس اللي عندهم أدوات محدودة زيي مع @نور

عملت Abjad.wiki عشان يشارك العلم في حاجة أكبر منه

اشتغلت مع Replit.com

وكل ده ماكانش هيحصل

لو وقفت عند كلمة "معنديش جهاز"


إنت إيه عذرك؟

مش بسألك بشكل نظري و بسألك فعلاً

عندك لاب توب؟

عندك نت؟

عندك مكتب؟

عندك بيت؟

عندك مياه تشربها؟

إيه اللي موقفك فعلاً؟

أكيد مش الشاشة التانية أم 16 الف

الجهاز اللي اشتغل عليه عبدالمعطي

What is this wiki?
A documentation resource for freelancers.
Is it free to use?
Yes, completely free.