إزاي تبني هويتك على المواقع
الـ Personal Branding مش إنك تنزل مواقفك اليومية وتحكيها وخلاص
الموضوع أعمق من كده بكتير
الجمهور أولاً
أول حاجة هتيجي في دماغك إنك تتكلم "مع كل الناس"
ده أكبر غلطة ممكن تعملها
لو حاولت تتكلم مع كل الناس، في الآخر مش هتكلم حد
لازم تحدد مين جمهورك قبل ما تكتب أي كلمة أو تنزل أي بوست. الجمهور ده بيتحدد على أساس مجالك وعلى أساس العملاء اللي عايز توصلهم
لما تعرف مين بتكلمه، هتعرف إيه اللي يهمه وإيه اللي هيخليه يوقف سكرولنج عند المحتوى بتاعك
الـ Tone of Voice
ده من أهم أجزاء الـ Brand بتاعتك
الـ Tone of Voice ببساطة هو طريقة كلامك مع الناس، مش بس إيه اللي بتقوله، إزاي بتقوله
بتكلم startups شبابية؟ كلامك هيبقى خفيف وعملي
بتكلم شركات كبيرة؟ هيبقى أكثر رسمية
بتكلم فريلانسرز زيك؟ ممكن تبقى أكثر صراحة وبساطة
الـ Tone مش بتختاره من دماغك، بتحدده على أساس الجمهور اللي حددته من الأول
إزاي تطبق ده عملياً
مش لازم تعمل كل حاجة لوحدك
لو محتاج بوستات بتبان احترافية، تقدر تستعين بديزاينر يصممهالك
لو محتاج حد يكتب بأسلوبك، تقدر تستعين بـ Copywriter
بس لو لسه بادئ، الاتنين دول مش صعبين تتعلمهم بشكل جانبي. الأدوات موجودة والمصادر موجودة، والنتيجة هتفرق كتير في إزاي الناس بتشوفك أونلاين