مقارنة المنصات (المشهورة، الجديدة والعربية

مفيش حاجة اسمها منصة "للمبتدئين"، ومفيش منصة مثالية. كل منصة ليها بيئة مختلفة وزباين مختلفين ومشاكل مختلفة. الكلام ده هيوريك الصورة كاملة وإنت تقرر.

تعريف المشاميش: المشموش او المشاميش هم الناس اللي بيتعاملوا زي بياعين الخضار، وبيقطعوا على رزق بعض بحجة الـ"منافسة"، افتكر ما تبقاش مشموش. المشموش ممكن يبقى من اي دولة عرق او جنس ومش بنحدد لهم شخصية معينة هنا.

---

منصة Upwork

أكبر وأكتر منصة فيها شغل حقيقي بجد. الزباين عليها بيدفعوا كويس والمستوى العام أعلى من معظم المنصات. لو قدرت تدخلها صح، هتتعلم من الناس اللي حواليك قبل ما تتعلم من أي كورس.

المميزات: بيئة احترافية، مستوى شغل عالي، زباين جادين، منافسة أقل في تخصصات معينة

العيوب: البداية صعبة، محتاج تشتري Connects عشان تقدر تتقدم على شغل، كل proposal بتاخد من 1 لـ 8 Connects ، وفي اتهامات إن الموقع فيه bots بتقدم معاك عشان تخسر الـ Connects. الشغلانات الوهمية موجودة

الرسوم: من مايو 2025 بقت variable من 0% لـ 15% بدل الـ 10% الثابتة اللي كانت قبل كده. المتوسط الفعلي لمعظم الفريلانسرز حوالي 12-13%

الـ"مشاميش" موجودين بكميات، وبيقدروا بأسعار رخيصة جداً. الحل مش تنافسهم في السعر، تتميز في الجودة والتخصص

---

منصة Freelancer.com

أسوأ منصة شوفناها بصراحة

المميزات: البداية أسهل شوية من Upwork

العيوب: الموقع كله مشاميش بشكل منظم ومقصود، حولوه لزريبة و لو دخلت كزبون هتلاقي ناس عندهم امتيازات Premium بيقدروا يكلموك خاص وإنت كفريلانسر مش هتقدر ترد بنفس الطريقة يعني دي حاجة متاحة للمشاميش فقط، الجودة العامة منخفضة جداً والمنافسة على السعر لا نهاية ليها

الرسوم: 20% على أول 500 دولار مع كل عميل، بتتنزل لـ 10% بعد كده

---

منصة Fiverr

مقاطعة — الموقع تابع لشركة إسرائيلية، واحنا بنقف مع قضية فلسطين. استخدم البدائل المذكورة

---

منصة Contra

أحسن منصة للـ Creatives دلوقتي لو عندك Portfolio كويس. مفيش commission خالص على الفريلانسر، بس العميل بيدفع $29 رسوم عقد لكل مشروع

المميزات: صفر commission، زباين بيدفعوا كويس، مستوى احترافي عالي، الـ"مشاميش" أقل بكتير لأن الموقع مش بيقبل أي حد

العيوب: الشغلانات أقل من Upwork بفارق كبير، ومركز على السوق الأمريكي والأوروبي. جديد نسبياً ومش معروف إذا هيفضل ثابت

الرسوم: 0% على الفريلانسر

---

مستقل وخمسات

أب ورك و Fiverr بتوع العرب، بس بشكل أسوأ

نفس الفكرة، تنفيذ أضعف. الدعم مش بيحل مشاكل، الزباين مش قد كده، والـ signup مزعج. الجودة العامة أقل من المنصات الدولية بفارق ملحوظ

اللي بيبرر وجودهم الوحيد إنهم منتج عربي "محلي"، لكن للأمانة شركتهم الأم "حسوب" مسجلة في بريطانيا ومش واضح ليها حضور حقيقي في المنطقة.

مناسبين لـ: لو عايز تشتغل مع زباين عرب بالعربي في البداية، أو لو مش جاهز للمنصات الدولية لسه

---

خلاصة