علامات إن مجالك اتشبع
لو دخلت المقالة دي بسبب العنوان حابب اقولك ان..
مجالك مش متشبع، إنت متشبع صدمة؟ اسمعني
ليه جيت للصفحة دي؟
لأنك شايف منافسة كتير
لأن الأسعار نزلت
لأنك مش بتجيب عملاء
لأن ناس كتير بتعمل نفس اللي بتعمله
كل ده حقيقي، بس مش معناه إن المجال اتشبع معناه إن إنت لسه مش متميز كفاية فيه
الفرق بين المجال المتشبع والمجال اللي مش متميز فيه
لو دخلت على Upwork ولقيت 1000 فريلانسر في نفس مجالك، ده مش شبع
ده طلب
مفيش 1000 فريلانسر في مجال مالوش سوق
بس في 1000 فريلانسر بيتنافسوا على نفس العملاء بنفس الطريقة
اللي بيتميز مش بيحس بالزحمة
اسأل نفسك الأسئلة دي
هل بتحب المجال ده؟ لو لأ، المشكلة مش الشبع، المشكلة إنك في المكان الغلط من الأساس
هل إنت متميز فيه فعلاً؟ مش "كويس"، متميز. في حاجة بتعملها أحسن من 90% من الناس في نفس المجال؟
إيه اللي بيميزك؟ لو مش عندك إجابة واضحة لأي عميل بيسألك "ليه إنت؟" دي المشكلة عندك
ليه شايف إن المجال اتشبع؟ لأن أسعارك نزلت؟ لأن مش بتجيب عملاء؟ لأن ناس تانية كتير؟ كل سبب وله حل مختلف
الحل مش تغيير المجال
الحل إنك تتعمق أكتر بدل "مصمم جرافيك" تبقى "مصمم هوية بصرية لـ SaaS startups"
بدل "كاتب محتوى" تبقى "كاتب محتوى تسويقي لشركات B2B"
كل ما ضيقت تخصصك، قلت المنافسة وزاد السعر
امتى تغير مجالك فعلاً؟
لو بتعمله من سنتين وما زاد فيه و برضو مش بيحسسك بأي satisfaction حتى لما بتكسب، وحتى لو تعمقت فيه مش بتحس إنك بتتطور